وعد الحب

# منتدى وعد الشبابي #
 
الرئيسيةالبوابةس .و .جالتسجيلدخول</a><hr>

شاطر | 
 

 الباصات

اذهب الى الأسفل 
كاتب الموضوعرسالة
{!} هادي الدنيا {!}

avatar

ذكر
عدد الرسائل : 67
العمر : 29
المزاج : حسب الجو !
تاريخ التسجيل : 01/11/2007

مُساهمةموضوع: الباصات   21/11/2007, 8:39 am

الباصات
عمان اربد بقعة صويلح


تقريبا ... لا يوجد احد من بيننا لم يستعمل يوما المواصلات العامه
.....
عندما تجلس في الباص .... توقع ان يجلس بجانبك أي شخص
قد تجلس بجانب طبيب ، مزارع ، مهندس ، طالب عادي ، شخص امي ....
او قد تجلس بجانب استاذ جامعي ...
كل شيئ ممكن في الباص .... الناس سواسيه ....
مرات ما بيكون جاي ع بالك تحكي ...
بس اللي جنبك فجأه بينطلق لسانه .... وانت بتبتسم ببرود وبينك وبين
حالك ..
ولك اسكت يا ...
هذا فيما لو جلست ... لانه كثيرا من الاوقات بتكون في الباص عالواقف
...
طبعا اذا كنت بنت فليس من الممكن انك تطلع بالباص عالواقف .... ليش
؟؟
والله مش لانه الشباب نخوجيه .... غالبا لانه بيكون الكونترول عضلنجي
والله معطيه الصحه
مجرد ما يجحرك ... قوم ابو الشباب قعد البنت
بتلاقي نفسك قايم وبكل صدر رحب ....
عشان هيك لما أي شب يطلع يقعد بالباص بيحاول يقعد بمكان صعب أي بنت
تقومه فيه ...
مثلا بقعد على البسطه ورا الشوفير ... او بالكرسي الخلفي مع اربع
شباب ...
او الكرسي اللي جنب الشوفير ... هيك بيكون استمتع بالرحله ... ولا
بنت ابوها بتقومه ؟؟
السؤال اللي بطرحه اغلب الشباب بينهم وبين حالهم ... وهمه بيصرو على
سنانهم من القهر بس مش قادرين يحكوا لانه الكونترول معلم بوجهه موس
من الذان للشفه .
السؤال هو : يا ابن الحرام ما انت شايف الباص مليان ليش بتطلع بنات
... عشان تقعدها مكاني ....
هاي المشكله
اللي مش راح تنتهي ..
طبعا هاذا انسى المشاكل والواحد واقف ..
يعني اذا الباص لف كوربه محترمه بتلاقي المسكين بيترتح باي اشي عشان
ما يوقع ...
واذا دعس بريك فجاه ... يا بتوقع على الارض يا بحضن الكونترول ..
وهذا ما يتمناه الكونترول ...
ومرات بتكون واقف ... بتبلش تتعود على الوقفه ... بتستقر امورك ..
وبتبدا تحاول تستمتع ...
فجاه بتسمع صياح الشوفير ... : دوريه اقعد اقعد يا ابو الجوكيت البني
.... نزل راسك ...
بتضطر انك تقرمز وتوطي راسك كانك عامل عمله ...
وكل ما بده واحد ينزل لازم تنزل معو ع بين ما ينزل وترجع تطلع مره
ثانيه ...
ومرات بس تنزل بيكون واحد بده يطلع وفعلا بطلع قبلك وبيقعد عالكرسي
اللي فضي ....
بس ما بتقدر تفتح ثمك ....
وكلو كوم ولما يبلش الشوفير والكونترول يسولفو مع بعض ويعرطو كوم
....
حجم هائل من الزناخه ما بتلاقيه بالمحيط الاطلسي ....
واشي انا مستغرب منو ... الاغاني اللي بيحطوها الشوفيريه بالباصات
....
من وين بيجيبوها ؟؟؟
يعني يا بيحط ربابه وواحد بيجاعر .....
يا اغنيه من سنة الف وتسعميه وخشبه .... من الاغاني اللي كان يسمعها
خفرع ومنقرع ..
وغير هيك السباقات اللي بتصير بين الشوفيريه ....
يعني الشوفير مستعد يشطب 25 واحد عشان راكب بخمسطعشر قرش ...
وفيه نكته عالموضوع بتحكي انه فيه شوفيريه باصات ثنين بتسابقوا .
اللي قدام شاف راكب
صار يفكر ... اذا وقفتله اللي وراي بسبقني عالمجمع وبيحمل قبلي
واذا ما وقفتله اللي وراي بوقفله وهو اللي بوخذ البريزه ... شو اعمل
شو اعمل ؟؟
احسن حل ادعسه ... وعننننننننننن ...... اخبط !!!!!
بتركيا ... كان كل خمس دقائق ييجي باص ...
كنت اشتري بطاقه بتسمح لي اركب عشر مرات ... كنت اركب واختم البطاقه
اقعد بمكاني ... ما فيه لا كونترول ولا حدا بيصيح .. فيه سوفت ميوزيك
..
الشوفير لا بحكي معك ولا بتحكي معو ...
بينزل بمحطات معينه .... الباص نظيف من جوا ومستحيل تتعدى سرعته ستين
وما بيطلع عن السايد تبعو وما بيتجاوز
واحلى اشي انك لما تنزل من الباص الشوفير بيستناك لما تنزل ويسكر
الباب وبعدين بيمشي .. مش زي عنا بتلاقي راسك برا واجرك جوا والباص
ماشي وانت يا بتكون قد حالك وبتطلع .. يا اما على صباحك ...
وبامريكا نفس النظام .. بس هناك انه لما تنزل من الباص بيبتسملك
الشوفير ابتسامه عريضه
وبيقولك ثانك يو فيري ماتش ... هاف ا نايس داي ..
سبحان الله ... زي شوفيريتنا بالزبط ... : يالله انزل وله
غير المدافشه ربع ساعه قبل ما تطلع بالازمه .... واذا ما فيه ازمه
استنى نص ساعه عبين ما يعبي الباص ... وزلمه افتح ثمك واحكي مستعجل
...
على كل حال ....
فيه رب كبير .... وكل ظالم اله يوم ....
وصباح الوطن الجميل ....
صباح الخير يا وطني ....

الرجوع الى أعلى الصفحة اذهب الى الأسفل
http://www.maktoobblog.com/h-m-o
الحــ تلميذ ــب

avatar

ذكر
عدد الرسائل : 5665
العمر : 30
العمل/الترفيه : طالب جامعي
المزاج : إشي بـيـعـجـــبـك
تاريخ التسجيل : 18/09/2007

مُساهمةموضوع: رد: الباصات   21/11/2007, 9:41 am

كلها ازمه ... يا سلام على باصات جامعتنا
مشكور
الرجوع الى أعلى الصفحة اذهب الى الأسفل
اميـ الحب ـر

avatar

ذكر
عدد الرسائل : 2186
العمر : 29
المزاج : زفت
تاريخ التسجيل : 16/09/2007

مُساهمةموضوع: رد: الباصات   21/11/2007, 9:47 am

king
الرجوع الى أعلى الصفحة اذهب الى الأسفل
الحــ تلميذ ــب

avatar

ذكر
عدد الرسائل : 5665
العمر : 30
العمل/الترفيه : طالب جامعي
المزاج : إشي بـيـعـجـــبـك
تاريخ التسجيل : 18/09/2007

مُساهمةموضوع: رد: الباصات   21/11/2007, 9:49 am

إنت يا أبو الباس
الرجوع الى أعلى الصفحة اذهب الى الأسفل
shahd

avatar

انثى
عدد الرسائل : 2821
العمر : 24
المزاج : ماشي حالو
تاريخ التسجيل : 04/10/2007

مُساهمةموضوع: رد: الباصات   21/11/2007, 2:06 pm

lol!
و الله بتعانو لما تركبوا في الباص
مشكور هادي
الرجوع الى أعلى الصفحة اذهب الى الأسفل
الحــ تلميذ ــب

avatar

ذكر
عدد الرسائل : 5665
العمر : 30
العمل/الترفيه : طالب جامعي
المزاج : إشي بـيـعـجـــبـك
تاريخ التسجيل : 18/09/2007

مُساهمةموضوع: رد: الباصات   21/11/2007, 2:25 pm

آه مش زيك الباس بيجي لعندك على البيت
الرجوع الى أعلى الصفحة اذهب الى الأسفل
{!} هادي الدنيا {!}

avatar

ذكر
عدد الرسائل : 67
العمر : 29
المزاج : حسب الجو !
تاريخ التسجيل : 01/11/2007

مُساهمةموضوع: رد: الباصات   29/11/2007, 5:34 am

احلى شي لما تركب ع الوا2ف
مشكور يا امير
وخليكي دلوعة يا شهد (بس لابق لك الدلع )

مشكورين
الرجوع الى أعلى الصفحة اذهب الى الأسفل
http://www.maktoobblog.com/h-m-o
 
الباصات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وعد الحب :: .:. نغاشه .:.-
انتقل الى: