وعد الحب

# منتدى وعد الشبابي #
 
الرئيسيةالبوابةس .و .جالتسجيلدخول</a><hr>

شاطر | 
 

 عملية !!!

اذهب الى الأسفل 
كاتب الموضوعرسالة
{!} هادي الدنيا {!}

avatar

ذكر
عدد الرسائل : 67
العمر : 29
المزاج : حسب الجو !
تاريخ التسجيل : 01/11/2007

مُساهمةموضوع: عملية !!!   22/3/2008, 7:40 am




عملية يوم الاربعاء الموافق 19-3-2008 العملية الكبرى ( عشان فتح مجاري الدمع )
طبعا كل شي عندي بعملو لازم يكون في شي يضحك والله لو انه عزا غير اخلي الي معي يضحكو !!!

بداية القصة المأساوية
كان ياماكان في قديم الزمان واحد بحزن بدو يعمل عملية اسموووووو حسان.................
طلعت انا و ابوي ع الساعة 6:15 الصبح من البيت وتوجهنا ع المشفى (مستشفى العيون التخصصي ) في عمان
وصلنا المستشفى الساعة 7 وشوي !!!

قعدنا ننتظر انا و السيدالوالد
اجت ملاك الرحمة تقبش قلبي (حلوه بتطير العقل ) بتحكيلنا تفضلو من هون ع الغرفة
ابوي سبقني ع الغرفة !!!! وانا جيت بعدو صح انه نفسه خضرا
طيب مو مشكلة

اعطتني الممرضة حبة مهدئ وكاسة مي فيها نقطتين مي بطلع بالكاسة فيها كم نقطة بحكيلها الكاسة فاضية
حكتلي دبر حالك بدك تبلع الحبة في هدول المي
طيب فتحت تمي ع الاخر حتى الي دقق في النظر جو تمي شاف القلب و الرئتين
بلعت الحبة
اعطتني اواعي تبعون العمليات عشان البسهم
ياربـي كل البلوزة لزقات بلزقات بحط راسي منهون بطلع من جهة الايد بحط راسي من هون بطلع من عند الكتف
كنت بدي امزعها و ارميها في الزبالة
حطيتها حط ع جسمي وطلعت بحكي للممرضة اعمليلي البلوزة لو سمحتي

لفت وجها وحكتلي قال انه البلوزة وسخا واعطتني وحدة تانية عشان البسها
-/*
شوي اجا دكتور التخدير
حط السماعة وبلش يسمع دندنة قلبي
وسألني اذا بدخن حكتله شوف علي دخان مابدخن والحمدلله
حكالي ممتاز حكلته بس بأرجل
اطلع فيّ و ألو خاطر يحكيلي كلمة ___________________________ (المتبادلة بينا بين الشباب )
ماعلينا نرجع لموضوعنا
اجت ملاك الرحمة قاست ضغطي و راحت
وقعدت ع التخت انتظر
اجا واحد شاركني في الغرفة وانا عايف ___________
وقعد يحكي ويحكي ويحكي ويحكي
وانا بحكي بعقلي وبحكي بعقلي و بحكي بعقلي ماخليت له عملت صلة الرحم لكل عيلته (يعني ماقصرت بالسب عليه و ع عيلته )
و ابوي عم يحكي و يتسلى

اجيت بدي اطلع من الغرفة اتذكرت انه ظهري من ورا كشف مبين حكيت بعين الله ارجع اعمل صلة الرحم للزلمة
قعدت شوي اجيت بدي اغفى وانام قولي اول الغفوة
اجا التيس شغل التلفزيون وقعد يتفرج ع البورصة وانا مثل الاطرش بالزفة
رحت ابلشت في التخت والله كيفت عليه ارفع نزل والله بيجي ساعة وانا ارفع نزل نزل ارفع فوق تحت
من كثر مارفعت ونزلت الله العليم اني حرقته او خلصت عمر الجهاز
المهم اجا دورو راح ع العمليات حملو ع التخت وقبل مايطلع بحكيلي
نحن السابقون وانتم انشاءالله لاحقون
انا خف عقلي بزيادة
و عملت صلة الرحم له و للمستشفى

اجيت بدي اغفى اجا ابن المجنونه المصري تبع الكفتيريا بحكيلي غرفة 216 طلبتو شاي
ابوي بحكيلو لا احنا صايمين
وهيك فقس النومة

المهم
اجا واحد وجايب العرباي تبعتي عشان انزل ع العمليات
حملنا ونزلنا ع العمليات
بحكيلو شوي شوي سوق فينا صار يضحك
مالقيته الا لف التخت بالعرض والا بحكيلو شو حتى رخصة السواقة بالواسطة
نزلت ع العمليات وقلبي صار يعمل هيك دق دق دق حتى الدكتور فكر انه في حدا بدق ع الباب !!!
حطوني بنص غرفة العمليات
اجا ملاك رحمة
حط الابرة بأيدي حسيتها طلعت من راسي
بس يلا ملاك الي حط الابرة بطلعلو

وانا عم انتظر
بنص الغرفة لقيت واحد ع التخت وساحبينه لبرا لانه خلصت عمليته مثل الي بيجي بطاش ماطاش (عبدالله السدحان )
عامل حالو احول ولحيتة مترين ونص طالع لبرا
بعد شوي
كمان مرة
مطلعين وحدة كمان مثل الي بطاش ماطاش (تحكي كانوا يصورو جزء جديد من طاش ما طاش )
اذا بتتذكرو بحلقة من حلقات طاش ما طاش
الختيارة الي بتيجي بدها تولع الغاز عشان تعمل شاي ولا طبيخ بروح فاقع بوجها
لقيتها طالعة من العمليات وفاتحة تمها
وانا اطلعت هيك وحششت من الضحك و الممرضة حششت من الضحك بس هربت من قدامي استحت !!!
راحت الممرضة بدها تصحيها
حطت الاكسجين ع تم الختيارة وصارت تحكيلها
يا خضرا أومي يا خضرا يلا أومي
يا حمرا قومي وانا فقعت من الضحك @@@@!!!! - _ -
دخلت ع العمليات جوا ع الغرفة الي بدي اعمل فيها العملية
اجت الممرضة حطت ع صدري لزيق او طبع و وصلت فيهم الاسلاك المهم
و الممرض وصل اسلاك في رجلي و وصلو شي في اصابعي
ربطوني في التخت من كثر الاسلاك و البرابيش

والا ماشفت الا الدكتور جايب 3 ولا 4 ابر ملونات
كنت بدي اسألو اذا دارس جرافيك !@!! ( عشان منكون زملاء في الدراسة )
بطلع بوجه الدكتور وبدي اضحك الله اعلم كيف مسكت حالي عن الضحك
الدكتور عينه اليسار طالعه رحلة اطلعت بوجه ملاك الرحمة لفت وجها
رجعت اطلعت بوجه الدكتور و صفنت بمستقبل وجهي
لسا كنت بدي اسأله عم احكي معه (عشان اسأله بعرف اليمين من اليسار و احكيلة كم هدول )
حط اول ابره حط الثانية حط الثالثة كنت بخبر كان مسطل مش قادر افتح عيوني !!!!!
و تخدرت
وبلشو شغلهم
خلصو طلعوني ع الغرفة وانا نايم و مش حاسس ع الدنيا
صحيت مش مجمع و عم ارج من الوجع ( امنيح انه ما صرت ابكي )
و طلبت من ابوي يجيب اي شي عشان ينيمني بدي انام من الوجع مش قادر اتحرك حتى من اثر البنج
اجا الدكتور حط الابر عددهم 2 !@!
ونمت وماحسيت ع الدنيا
بعد ساعتين اجو اصحابي اسامة و عبدالرحمن عندي ع المشفى

وكنت مش قادر اتحرك سلمت عليهم وانا مدروخ واقع من صاروخ
قعدت بدي اكل ---- اجيت بدي ارفع التخت ع الكهرباء ماقبل يرفع @@@!!! يهديك يرضيك مابدو يرفع بعد العناء ابو دقيقتين من التكبيس
رفع التخت شوي والله شكلو انحرق
حطيت اول لقمة بتمي من مبارح الساعة 10 باليل يعني صار لي 16 او 17 ساعة مش حاطط شي بتمي
لانه ع الساعة 6 المسا حتى اكلت شي

و اجا الممرض عشان يقيم الابرة الي في ايدي
ولا بحكيلو بدي اروحها معي ع البيت قالي يازلمة شوبدك فيها
حكتله ذكرى قالي اذا على هيك روح المشفى كله معك
حط لزقة الجروح ع ايدي مكان الابرة قام ايدو عن ايدي طلعت الزقة بأيدو !!!
وهيك روحت ع البيت وانا سكران شطب ولاحبة
بتحكي معي من الشرق بجاوبك من اقصى الغرب

و كل عام وانتو بخير
انتظرونا في الحلقة التانية من الجزء الثالث !!
اه مهو لسا باقي عملية صغرى للعين اليسار بعد 6 اشهر
و بعد 9 اشهر عندي عملية كبرى للعين اليمين وبعد سنة عملية صغرى للعين اليمين
وتوته توته خلصت الحتوته
الرجوع الى أعلى الصفحة اذهب الى الأسفل
http://www.maktoobblog.com/h-m-o
الحــ تلميذ ــب

avatar

ذكر
عدد الرسائل : 5665
العمر : 30
العمل/الترفيه : طالب جامعي
المزاج : إشي بـيـعـجـــبـك
تاريخ التسجيل : 18/09/2007

مُساهمةموضوع: رد: عملية !!!   22/3/2008, 8:18 am




الله يخزيك ... أد ما سمعتها برجع بس اتذكر خضرا و الدكتور إلي عينو مسافره على القمر بفرط من الضحك

كان لازم بس شفتوا حكيلتوا زين عالك جميل أو أو المره سماح

بس ما حكتيلهم لما حضرتك حكيت معي قبل العملية و حكيت مع الشباب كلهم ... و الحقارة بالموضوع بعد ما حكى مع الكل بعتلي مسج أسامة انا خايف كتير

و حضرتنا ما جمع و صار قلبي بين رجلي و هات يجي على بالي اشتغل

لحد ما صاحبي عبد هداني

المهم مر اليوم ... على آخر محاضره ( 2:30 - 4 ) اد ما انا صاحي ( بعتلوا مسج بس تصحى إحكي معي ) نسيت إنو مش شايف الضو ف المهم حكى معي و حكالي اسامة انا مش آدر احكي يلا باي

انا ... منيح ما صار معي تمزق ب أوعية القلب من الخوف

بعد ما خلصنا محاضرة و مروحين حكى معي بيسألني إذا بدنا ( الشباب ) نمر عليه

بس الشباب إقترحوا إن خلص بعدين لأنه تعبان ... المهم حكى معي و حكالي اسامة عايف حالي

تعالي ... و راح حضرتنا

إنسو الباص إلي روحنا فيه ( قبل العملية ب يوم الشباب كانو يحكو ل حسان تشهد ... سائق الباص مستعجل ف بحكي للي جنبي سفوان إنو شكلي رح اروح عند حسان بس ع غرفة تانية )

المهم دخلنا المستشفى ... و سلمنا عليه المهم صاحبي عبد مد إيدو حسان قعد يدور على إيدو

المهم من وصلتلوا السلامات و من اول ما قعدنا ل حد ما روحنا و إحنا بنضحك

الله بيعين

) ^ _ ^ (
الرجوع الى أعلى الصفحة اذهب الى الأسفل
shahd

avatar

انثى
عدد الرسائل : 2821
العمر : 24
المزاج : ماشي حالو
تاريخ التسجيل : 04/10/2007

مُساهمةموضوع: رد: عملية !!!   22/3/2008, 8:39 am


شو هاد؟
تحشيش من الاخر

بس كلو كوم و الدكتور الي عينو رايحة رحلة كوم تاني
و التخت الي عجبت عليه

جد كاين عامل مغامرات

عكل حال الحمدلله على السلامة
و لسا المشوار في أولو

الرجوع الى أعلى الصفحة اذهب الى الأسفل
lujain

avatar

انثى
عدد الرسائل : 106
العمر : 24
المزاج : خليها على الله يا مواطن
تاريخ التسجيل : 17/01/2008

مُساهمةموضوع: رد: عملية !!!   22/3/2008, 2:28 pm

هههههههههههههههههههههههه
هادي كانت مغامرة (عيش سفاري)
يلا الحمدالله على السلامة .....
الرجوع الى أعلى الصفحة اذهب الى الأسفل
PuNk_AnGeL

avatar

انثى
عدد الرسائل : 15
العمر : 24
المزاج : sad.......:(
تاريخ التسجيل : 10/03/2008

مُساهمةموضوع: رد: عملية !!!   23/3/2008, 10:56 am

h3h3h3h3h3........t7sheeeeesh
el7amdella 3ala salamtk w 3n jd enk nahfa
الرجوع الى أعلى الصفحة اذهب الى الأسفل
CrYiNg AnGlE

avatar

انثى
عدد الرسائل : 2074
العمر : 28
العمل/الترفيه : student
المزاج : hate the life ana wanna die
تاريخ التسجيل : 29/12/2007

مُساهمةموضوع: رد: عملية !!!   26/3/2008, 10:47 am

هههههههههههههههههههه والله ولامغامرات السندباد ههههههههههههههه بس يلااااااااااا على قولتهم عاهاتك ياوطن

الحمد الله على السلامه ههههههههههههههههههههه
الرجوع الى أعلى الصفحة اذهب الى الأسفل
love4ever

avatar

ذكر
عدد الرسائل : 43
العمر : 29
تاريخ التسجيل : 26/03/2008

مُساهمةموضوع: رد: عملية !!!   26/3/2008, 1:49 pm


ههههههههههههههههه

حلوة شكرا
الرجوع الى أعلى الصفحة اذهب الى الأسفل
 
عملية !!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وعد الحب :: .:. نغاشه .:.-
انتقل الى: