قالي : بدي خبرك كيف فاتت على حياتي و شو عَـملـت فيها؟
قلتلوا : أكيد فاتت على حياتك وقلبت الدنيا من فوق لتحت
مبين عليك مغروم ... مبين عليك عم تأشع الدنيا من منظار مختلف
قلتلوا :صح.
سكت!!! قالي : بتعرف شغله؟؟ مرة كنت قاعد بغرفتي
غرفتي إلي بشبهها بعالمي ... كل شئ بهل الغرفة بخصني
تختي... خزانتي...صوري إلي راسمها و معلقها على الحيط
كل شئ كتبته و بفكر فيه موجود على هل مكتب
قلمي .... ذكرياتي بهل العلبة ... تيابي ... أغراضي ... وراقي ... كل هل الغرفة فيها قصة حياتي.
ومرة بفصل الشتاء لما كنت قاعد بهل الغرفة والدنيا بره عم بتشتي عواصف ... رعد و برق ... وأنا عم بكتب
عم بكتب أدي حلو انه الواحد يكون حاسس حالوا بأمان قاعد بغرفتوا بعالمه...دفيان
والدنيا بره حواليه فوضه كبيره بس مش عم تقدر توصله.
قلي : حسيت كأنه حدا عم يدأ على شباك الغرفة... نأزت
برمت و طلعت ولقيت هل هواء عم يبرم حول البيت و يرجع يضرب على الشباك
قلت : شو بدو هل هواء؟ صرت رائب كيف عم بحرك الأوراق... الشجر ... مي الشتاء عم يزيح شمال و يمين
ويرجع هل الهواء يضرب بالشباك كأنه عم بقولي : فتحلي بدي فوت عندك
قربت و بدون خوف مديت يدي على الشباك و حركت المسكة بيدي للحظة كنت متردد بس قررت وفتحت الشباك و لما فتحت الشباك هب الهواء ودخل الغرفة.
فات على عالمي طيرلي وراقي عن المكتب طفئ الشمعة إلي كنت بكتب على نورها وقع أغراضي على الأرض خربطلي الغرفة
هيك، هيك هي فاتت على عالمي و خربططلي حياتي كلها خربططلي وراقي ... طريقة تفكيري ... خربطلي حياتي
صرت أعرف كيف حب،
صرت أعرف كيف الفوضاء
الفوضاء تسير إحدى قوانيني
صرت أعرف كيف اخلي قلبي يدق بكل حب و حرية
صرت أعرف أتنفس ... أعيش
هيك فاتت و خربططلي كل التصاميم و كل المعتقدات إلي كنت عم بفكر فيها من وأنا صغير و أكتبها
خربططلي كل مفهوم الحب إلي كنت بقراء وأسمع فيه ويخبرونا عنه
فرجتني الحب عن قريب
يا ريت من زمان فتحت هل الشباك
يا ريت من زمان خليت هواء الحب يفوت على عالمي و يقلبه
ومن وقتها يمكن صرت فكر و قول لكل واحد بعد ما فتح الشباك صار وقتها...
صار وقتها تخلوا الهواء يدخل عالمكم
هواء الحب
و تحسوا بطعم الحياة و تعيشوا بكل لحظة و تحبه...
و تحبه من كل قلبكم
الشباك إلي فتحته وكل إلي فتحوا شباكهم
أنا سكرت الشباك و خليت الهواء جوا وكل إلي عم بعيشوا كل لحظة حب و جنون الحب ما رح يخلوا هل الهواء يفل من عالمهم
خبرك : أحكيلك تأشع : تشوف برمت : لفيت يبرم : يلف يفل : يهرب
موضوع: قصة حب 
28/9/2007, 9:17 am
