سألني مرة صديق
يا ريت فيي أعرف وين الحب؟ شو هو الحب؟ كيف بيجي؟
بأي شكل؟ فيك تقولي
قلتلوا هاد سؤال طرحوا الكتير من الأشخاص
البعض عندوا جواب والبعض ما بيعرفوا شو يقولوا
الحب مش مين ما كان بقدر يوصلوا ويطاله
ومحظوظ هو إلي بيقدر يعيش هل الحالة ويعيش حياة مليانه حب
الحب هو مثل النجمة إلي بالسماء بتشوف نورها
بتشوفها أديش بعيدة بس ما فيك توصلها
لازم تحس بنور هل النجمة.....تأشعوا
لازم تخلي نور هل النجمة يكون نور بقلبك كمان
لازم تـآمن بالحب حتى لو ما لمستو بيدك
هو عايش جوا
عايش جوا بس بدك مين يعرف وينه
هو نور متل هل النجمة إلي بالسماء
بقولوا إنه كل شخص منا عنده نجمه بتضوي كرماله
وعلى ما قد السماء كبيرة.....على قد ما بتوسع نجوم
وعلى قد ما في الدنيا حب
موضوع: سألني مرة صديق 
28/9/2007, 9:20 am
